Past Commits တွေကို ဘယ်လို Update လုပ်မလဲ

Read this article in English

နိဒါန်း

#

Code push လုပ်တဲ့အခါ commit message တွေကို သေချာရေးဖို့ အရမ်းအရေးကြီးပါတယ်။ ဒါပေမယ့် တခါတလေမှာ commit message က typo ဖြစ်သွားတာမျိုး၊ ဒါမှမဟုတ် ပိုပြီးရှင်းလင်းတဲ့ commit message ကို ပြောင်းချင်တာမျိုးတွေ ကြုံရတတ်ပါတယ်။

ဒီ post မှာတော့ မိမိရေးခဲ့တဲ့ past commits တွေကို git commit --amend နဲ့ git rebase သုံးပြီး ဘယ်လို update လုပ်ရမလဲဆိုတာကို sharing လုပ်ချင်ပါတယ်။

နောက်ဆုံး Commit ကို ပြင်ချင်တာဆိုရင်?

#

ကိုယ်ပြင်ချင်တဲ့ commit က latest commit ဖြစ်နေတယ်ဆိုရင်တော့ အလွယ်ဆုံးပါပဲ။

git commit --amend command ကိုသုံးပြီး အလွယ်တကူ ပြင်ဆင်နိုင်ပါတယ်။

git commit --amend

ဒီ command ကို run လိုက်တာနဲ့ terminal မှာ text editor ပွင့်လာပါလိမ့်မယ်။ အဲ့ဒီမှာ commit message အသစ်ကို ပြင်ရေးပြီး save လိုက်ရုံပါပဲ။

Pro Tip: တကယ်လို့ commit message ကို မပြင်ဘဲ file တွေ မေ့ကျန်ခဲ့လို့ နောက်ဆုံး commit ထဲကိုပဲ ထပ်ထည့်ချင်တာဆိုရင်တော့ git add . လုပ်ပြီး git commit --amend --no-edit ဆိုပြီး အလွယ်တကူ သုံးလို့ရပါတယ်။

နောက်ဆုံးမဟုတ်တဲ့ Commit အဟောင်းတွေကို ပြင်ချင်တာဆိုရင်?

#

တကယ်လို့ ကိုယ်ပြင်ချင်တဲ့ commit တွေက နောက်ဆုံး commit မဟုတ်ဘဲ အရင်ကလုပ်ခဲ့တဲ့ commit တွေဖြစ်နေတယ်ဆိုရင်တော့ git rebase ကို သုံးဖို့လိုပါတယ်။ ဥပမာ - နောက်ဆုံး commits ၃ ခုကို ပြန်ပြင်ချင်တယ်ဆိုရင် interactive rebase ကို အောက်ပါအတိုင်း သုံးနိုင်ပါတယ်။

git rebase -i HEAD~3

ဒီ command ကို run လိုက်တဲ့အခါ editor (maybe Vim) ပွင့်လာပြီး commit list ကို တွေ့ရပါလိမ့်မယ်။

ဥပမာ:

pick e3a1b35 Commit message 1
pick 7ac9a67 Commit message 2
pick 4db8c21 Commit message 3

ကိုယ်ပြင်ချင်တဲ့ commit ရဲ့ရှေ့က pick ဆိုတဲ့စာသားနေရာမှာ reword လို့ ပြောင်းပေးရပါမယ်။ အခု ဥပမာမှာ reword ကို commit တိုင်းအတွက် သုံးပြထားပါတယ်။

reword e3a1b35 Commit message 1
reword 7ac9a67 Commit message 2
reword 4db8c21 Commit message 3

Save လုပ်ပြီး ထွက်လိုက်တဲ့အခါ reword ပြောင်းထားတဲ့ commit တစ်ခုချင်းစီအတွက် editor က တလှည့်စီပွင့်လာပါလိမ့်မယ်။ အဲ့ဒီမှာ ကိုယ်ပြောင်းချင်တဲ့ commit message အသစ်တွေ လိုက်ပြင်ပြီး save လိုက်ရုံပါပဲ။

Pro Tip: Interactive rebase မှာ reword အပြင် တခြားအသုံးဝင်တဲ့ command တွေလည်း ရှိပါသေးတယ်။ ဥပမာ:

• မလိုအပ်တဲ့ commit ကို ဖျက်ပစ်ချင်ရင် drop (သို့မဟုတ် d)
• commit နှစ်ခုကို တခုတည်းအဖြစ် ပေါင်းချင်ရင် squash (သို့မဟုတ် s)
• commit message တင်မဟုတ်ပဲ file တွေကိုပါ ပြင်ချင်တယ်ဆိုရင် edit (သို့မဟုတ် e)
• rebase လုပ်နေရင်း အမှားတစ်ခုခုဖြစ်သွားလို့ ဆက်မလုပ်တော့ဘူး၊ မူလအတိုင်း ပြန်ထားချင်တယ်ဆိုရင် git rebase --abort ကို သုံးနိုင်ပါတယ်။

Safety Net

#

Commit history တွေကို rebase လုပ်ရင်း မှားသွားလို့ပဲဖြစ်ဖြစ်၊ မှားဖျက်မိသွားလို့ပဲဖြစ်ဖြစ် မူလအတိုင်း ပြန်လိုချင်တယ်ဆိုရင်လည်း စိတ်မပူပါနဲ့။ git reflog ဆိုတဲ့ command ရှိပါတယ်။

git reflog

ဒီ command ကတဆင့် ကိုယ်လုပ်ခဲ့သမျှ action history တွေနဲ့ commit hash တွေကို ပြန်ကြည့်လို့ရပါတယ်။ အဲ့ဒီကနေ ကိုယ်ပြန်သွားချင်တဲ့ နေရာကို git reset --hard <commit-hash> သုံးပြီး အလွယ်တကူ ပြန်သွားနိုင်ပါတယ်။

Push to Remote

#

Commit တွေ ပြင်ပြီးသွားပြီဆိုရင်တော့ remote repository ကို ပြန် push လုပ်ဖို့ လိုပါတယ်။ ဒါပေမယ့် commit history တွေကို ပြောင်းလိုက်တဲ့အတွက် ရိုးရိုး git push လုပ်လို့ မရတော့ပါဘူး။

ဒီလိုအခြေအနေမျိုးမှာ force push လုပ်ဖို့လိုပေမယ့် တခြားသူတွေရဲ့ code တွေကို မထိခိုက်စေဖို့အတွက် ပို safe ဖြစ်တဲ့ --force-with-lease ကို အမြဲသုံးသင့်ပါတယ်။

git push --force-with-lease

နိဂုံး

#

ဒီ command တွေက နေ့စဉ် development workflow မှာ အရမ်းအသုံးဝင်ပါတယ်။ မှားရေးမိတဲ့ commit တွေကို code review မလုပ်ခင် အလွယ်တကူ ပြင်ဆင်နိုင်တာကြောင့် git history ကိုလည်း clean and clear ဖြစ်စေမှာပါ။